Kisasa: Gentiny Ngobila aboyi bokutani ya bayi opposition ya mua zomi na sambo ya sanza motoba asengi ba pusa yango
Ndako ya mosala ya moyangeli ya engumba mokonzi kisasa endimi te likanisi lia bokutani ya bayi opposition na bokambemi ya Moïse katumbi Martin Fayulu Augustin Matata Ponyo mpe Delly Sesanga mokolo moa mposo,zomi na sambo, sanza motoba. Na lioko mokanda ya moyangeli ezali ko senga na bango ba pusa bokutani na bango pona mua tuku mibale na mineyi nzambi moyangeli apesaki nayino nzela pona bokutani bosusu na kisasa mpe esengeli ko tosa baye bayaki na mokanda liboso.
Na koki ko pesa nzela pona bokutani na bino nzambi na pesaki nzela pona bokutani bosusu na mokolo wana pamba te na sengeli ko longobana na mobeko ya baye bayeyi liboso mpe na sengi bo pusa bokutani na bino o'mua tuku mibale na mineyi ya sanza motoba.
Gentiny Ngobila asengi na pulusu mpe bakambi ba bango elongo na mokambi ya komini ya n'djili bazala ekenge na ntina ya likambo liango.
Sika, bayi opposition ba pesi eyano na bango te.