Tshinsansa: Ngobila Gentiny wapinganyi mu nkuasa wenda wa bu Nguvena wa tshimenga
Nguvena wa tshimenga tshia Tshinsansa Ngobila Mbaka Gentiny, bamupeshi bukokeshi kudi badi kumpala kuenda, ki Mena mutangidi wa munda mua ditunga dietu dia Congo wa ba nkambua, bua se apingana bua kutungunuka ni midimu yenda bu pa tshibidilu ku mutu kua tshimenga tshikulu tshia Tshinsansa.
Dipangadika edi ndiangata bilondeshila mikanda mifunda kudi Ngobila pamue ne ba nguvena nenda bakuabu bavu bikala batekibua panshi bilondeshila malu mabi a mutshima avuabu babakuata nau kudi kasumbu ka masungulangana anyi Ceni dituku dia matuku 20 divua masungula menzeka adi.
Bulombodi bua tshimenga buvu buanji kuikala bushala mu bianza bia Mulumba Gecoco Gérard, udibu babikila Gecoco, Nguvena tshindonda. Yeya eu ukavu mutuadija midimu ya bunyi miakana, ivu bantu bonso basanka nayi ya dilongolola anyi diumbusha dia makoya onso munda mua tshimenga tshia tshinsansa. Ki kayi, ba wetu babunyi ba munemu badi bikala banyingalala, badituta bianza mu biadi ni kabidi bakema bikola bua kumona mudi ditunga dietu dikala kadiyi pabuipi bua kuluisha mutshima ni kufila manyoka kudi bimvi nansha, nangananga padibu bikala banena ba ditunga.