RDC : Bukalenga bua ditunga dietu budi bukeba Mbombu 13 ya ndola kudi bafutshishi ba bitadi mu 2026
Bukalenga bua ditunga dia Congo wa ba nkambua budi buleja se nebuikila bua kupeta ndola mbombu 13 ya ndola ya muana muena amerika mu tshidimu tshia 2026, kupita mbombu 9,9 ivu mikala tshidimu tshikadi tshijika etshi tshia 2025.
Dipangadika edi ndiela patoka mu dibidi dia matuku 19 Ngondo wa tshimungu wa mashika utudi nenda eu pankatshi pa ba Mena aba basatu ki Muzito Adolphe, Doudou Mfuamba ne Elysée Bokumwana.
Bua kufika kuina eku, badi balomba kudi matanda atu afutshisha bitadi bua kudienzeja bikola. Bisangilu bia mpetu bia Ngondo wa muanda muteketa ne wa muanda mukulu bivu bileja bua kufika too ne Ku mbombu 11 ya ndola.
Ke bualu kayi Muzito udi ulomba kudi aba badi bafutshisha bitadi bua kuenza ne muabu monso bua kukumbaja mapangadika aa, kupita mbombu 12 kuya tooo ne Ku 13.
Tshienzedi etshi tshidi bua kuleja dijinga dia bukalenga buetu bua kukolesha mpetu ya mu ditunga ne kufuta bena ntanda bimpe bua kushintulula kuikalangana kuabu.
Ku luenda luseka, Rolly Lengo, mulombodi wa DGPPB, wavuluiji bafutshishi ba bitadi bua kulonda meyi ni mikandu bia ditunga bua kumona bua kuashala bena Kongo bilongelu biakana, njila, mafutu malenga e nanku midimu ya mbulamatadi imona bua kuenda biakana.
