RDC: Kipatshila 6 ya mfumu Felix Tshisekedi bua bukalenga buenda bupiabupia ebu
Bua bukalenga buende bupiabupia ebu ku mutu kua ditunga Dia Congo wa ba nkambua, mfumu wa ditunga Félix Antoine Tshisekedi Tshilombo, wafidi malaya a bunyi kudi bana ba muena Congo, malaya adi mikala makongakaja mu bitupa binena bisambombo.
Bua bidimu bitanu ebi bidi bilonda kutuadijila ku ngondo eu wa tshiongo wa minanga tshidimu etshi tshia 2024, Felix Tshilombo wa Tshisekedi walayi bua kupesha midimu kudi bansonga bonso.
Tshilombo wa Tshisekedi walayi kabidi bua se bintu ne bikala bua kupueka mushinga, dibanda dia bintu mushinga ne dijika. Ne kabidi mulaya bua se udi ne bua kujikija bimvundu bionso bidi bikala mu ditunga dietu. Udi kabidi ne bua kuibakilula ditunga dietu mu nseka ya bunyi.
Nanku bua kipatshila kinayi, Muana Tshisekedi waleji bua se, nealongolola économie wetu, bua ikala bu mudi bena Congo bonso bajinga. Ne kabidi bintu bietu bionso bia mu madimi ni bubanji bonso bua mu malaba etu buikala buambuiluisha bana ba mu Congo bonso.
Nanku, waleji kabidi bua se bua ku midimu yonso ya mikese mikesa bena Congo nebikala bua kuyipeta kakakuyi kadiwu nansha, bu mudi kuya kua ku buanga anyi kuya kua bana mu kalasa.
Bua kujikija, Tshilombo wa Tshisekedi wambi bua se midimu yonso ya mbulamatadi neyiteketela bena Congo bonso.
Muakula nunku kumpala kua bena Congo bapita ku binunu makumi muanda mukulu mu tshipalu tshinena tshia ndundu tshia Martyrs, kumpala kua mumana kutshipa tshieleka kumpala kua cour constitutionnelle.
