Joseph Kabila ne batontolodi bakuabu bapatudi tshisumbu tshia « sauvons la RDC » Ku Nairobi
Tshisumbu tshipiatshipia tshia tshididi ntshienzeka Ku Nairobi mu ditunga dia Kenya mu disatu dia matuku 15 ngondo wa dikumi tshidimu etshi tshia 2025 tshikala ne Dina dia "Sauvons la RDC" , Ku dibikila dia mfumu wa ditunga dietu dia Congo wa mungalata wa kala ki Joseph Kabila Kabange.
Ku luseka lua Kabila, kuvu batontolodi batua Ku makumi anayi, bu mudi Matata Ponyo, Seth Kikuni, Franck Diongo, Jean Claude Mvuemba,...bavu bikala mu tshina tshisangilu etshi. Bonso basungudi Joseph Kabila bu mulumbodi wa tshina tshidi etshi. Tshidibu bikala babikila se, nsangilu wa ntontoluelu bua kunanukila bua kubenga bidi bikala bienzeka mu ditunga dietu mpindieu.
Mu mukanda mutua biala kudi bonso, baleji dianyisha diabu dia mapangadika 12 menza kudi Joseph Kabila mu meyi enda makulu mu dia matuku 23 Ngondo 5 tshidimu tshia 2025, maleja bu mudi kaleji njila bua kupatula ditunga dietu mu luidi ludi luikamu katataka.
Tshisumbu etshi, ntshidipesha kipatshila ka kupingaja ndumbuluilu mujalama wa bilumbu mu ditunga dietu bua kubueja bupola bua bushuwa mu ditunga dietu.
" Nanku bena tshisumbu etshi tshia " Sauvons la RDC " bakobodi kabidi bua kuleja bidibu kabayi banyisha bu mu mudi mushindu udi tubadi tukosa malu mu ditunga dietu, pakosela bakuabu tooo ne bibawu bia lufu.
Ke kayi balombodi ba tshisumbu etshi Badi munkatshi mua dilomba kudi aba bonso badi bikala bananga mfumu wa ditunga dietu wa kala Joseph Kabila Kabange, bua balua kubuela mu tshina tshisumbu etshi bua Kikongo ditunga dietu dia Congo wa ba nkambua.
