RDC : Ba kuluna anyi benzavi batua Ku 700 bakuata kudi ba mpulushi mu tshine tshia « Ndobo » ( Jacquemin Shabani)
Mubikidibua bua kuakula ne ba kamona Kamba wa nseya mu dinayi Dia matuku 12 a ngondo wa tshisua munene utudi nenda eu, mena udi utangila malu a munda mua ditunga wakumpala bikola tshienzedi tshia "Ndobo" tshidi tshikala tshikuata bena tshinyangu anyi ba kuluna munemu mu tshimenga tshia Tshinsansa.
Ku luseka lua muinenda mena udi utangila malu a tudiomba, Jacquemin Shabani waleji bua se ba kuluna batua Ku 784 mbakuatshibua kudi ba mpulushi, mu matuku Abidi emu ne babafila mu bianza bia ba nzuji bua bamona bua kubanya bibawu biabu.
" Tudi munkatshi mua dienza wetu mudimu, tudi bakuata ba nkoviongu Badi bikala ne mena mbafunda mu mikanda ya ba mpulushi ne bobo aba je batudi utuma kudi ba nzuji bua bajikijangana nabu. Bikengela mpindieu tuikala batangidila ba nzuji bua kumona mudibu benza wabu mudimu.", ki mualeji mena Shabani nanku.
Tshienzedi tshia "Ndobo" tshivu tshikala tshiela mu tshialu munemu mu tshimenga tshia Tshinsansa, ne tshiya nunku kubuela munda mua ma provinces onso bua kukuba benzavi bonso.
" Kudi bimenga bidi bikala biditatshisha bua kumbusha buenzevi munda muabi, nanku bimenga bu ebi netuikala bua kubitua nyama Ku mikolu bua kujikija buenzavi ".
