Tshinsansa: Gérard Gecoco Mulumba munyingalala bikola bua kumona ni bena ku Hôtel de ville ki mbafutshibua nansha kukadi ngondo 26
Mulombodi tshindonda wa tshimenga tshia Tshinsansa, ki muena muabu Gérard Gecoco Mulumba ki musokoka kanyinganyinga kenda nansha, bua kumona bua se aba badi bikala benzela mbulamatadi mudimu ku luseka eku ki mbafutshibua nansha kukadi ngondo 26.
Nanku mubileji kudi bantu bonso mu mifundu yenda mu Facebook bua kuleja ne ba tatu ni ba mamu badi bikala benzela tshimenga tshidiyi muikala ulombola kabena bafutshibua nansha. Pabi mbulamatadi muikala ufutshisha bitadi ni imue mikanda, bikala bibueja mfualanga mu difueta dia mbulamatadi. Lukonku ludiyi udiebeja ndua se ba wetu aba ni batuma babu bana mu kalasa mushindu kayi? Bualu nkushala lumingu amu lumue bua kubueja bana mu tulasa.
Nanku, waleji kabidi bua se kudi mianda yabunyi mibia mibiala idi mikila yenzeka ku luseka eku lua Hôtel de ville idi yenza bua se malu ka akumbanyi nansha. Bu mudi kubenga kufuta bena mudimu padi makuta mikalaku kadi ka ayi amueka miaba idiwu aya nansha, kubueja bantu ku mudimu mu dibenga kulonda mikenji, buivi bua mfualanga,... Bionso ebi amu kudi mulombodi Gentiny Ngobila.
Bua Ngobila mbimueneka amu ne mutu wenda ki udibu bakeba kudi balombodi ba Hôtel de ville, bualu pa kumona ngakuidi ni ngenzelu wa malu wa Gérard Gecoco Mulumba, yeya udi muikala nguvena tshindonda ni Godé Mpoyi yeya bu mulombodi wa tshihangu tshia ba tshihuita munua mfuanka ba munu mu tshinsansa !!! Mbilejibue patoka bua se matuku a Ngobila ku mutu kua tshimenga tshia Tshinsansa mashala mabala.
