Patrick Muyaya : « bidi bimpa bua kupangisha nsongakaji malonga enda amu bualu udi ni difu anyi, habi bifuana kuvudija kansungansunga ne kunyanga malu ende onsu ? »
Mena udi utangila malu a tudiomba ni muakudi mukulu wa bukalenga buetu bua mu Congo wa ba nkambua, ki Muyaya Katembu Patrick, udi yeya ni disanka dia bunyi bua dipangadika diangata kudi Mena udi utangila malu a ndongeshelu bua kubenga kuipata nsongakaji idi mipeta mafu a panshi mu kalasa.
Mu nsangilu wenda muenza ne ba inabanza pa bidi bitangila « ba mamu, bupole ni dikuba dia bantu », mu disatu dia matuku 16 ngondo eu wa kashipu mpumpumpu mu tshilala benyi tshia Sulutani, Ku tshienzedi tshia ONU Femmes ni munyampala wa ditunga dia Norvège muetu munu mu Congo.
Muakudi mukulu wa bukalenga bua ditunga dietu wedi mu tshialu wenda muenenu wa malu pa muina muanda eu; bualu, udi munkatshi mua dikeka mpata ya bunyi mu ditunga dietu.
Buenda yeya Muyaya, kabiena bisankisha to bua kuipata nsongakaji mu kalasa amu bualu udi ni difu dia hanshi nansha.
" Bidi bikengela kupangisha mulongi malonga enda amu bualu udi ni difu anyi ? Abi bidi bikala kansungansunga, bualu bapeshanganyi ba mafu tudi tuenza nabu tshinyi ?
Pa kutangila bunyi bua bana ba bakaji badi bipita mu tulasa bua mafu, Ku bukebi kebi bua EDS-RDC III, 2023-2024, Nsongakaji umue ba itanu mu bidimu bia 15 to ne 19, ukadiku amu mupeta difu mu misoku ya muetu munu. Tshidi tshifikisha bionso ebi, tshidi amu dikenga, ne kupanga malongesha a pa malu a mubidi.
Muyaya walombu kudi ba kamona Kamba wa Nseya bua se, balekela kufila ntema yabu kudi ba nguluba wa tshianyangu, ba bitshikila tuboya, badi bikala bakeba amu bua kuseka malu onso adi bukalenga buetu buikala buenza, pabu bikala se, mbua buimpa bua bena ntanda.
