RDC : Mbateka intelligence artificielle bua kujoja Mateta a mbula Matadi a 2025
Mu ditunga dietu dia Congo wa ba nkambua, babangi katshia Ku dimue dishala EDI, musangu wa 58 wa mateta a mbula Matadi bua balongi bua tshidimu tshia ndekelu tshia balongi ba kalasa kisambombo. Mateta aa adi bua balongi 1.079.341, babakaji bia pa lukama 43 ne kabidi balongi 6.022 ba malonga a tshikosu ( 17% bana ba bakaji).
Bua musangu wa kumpala mu ditunga dietu, mbateka mamanya mapiluke mapia mapia bua kulongolola ne kupeta bipeta pa lukesa. Bu mudi intelligence artificielle mu tshienzelu tshia S-Note Manager bua kujoja mabeji a balongi ne kupatula bipeta pa lukasa.
Mu dimanyisha difunda kudi bena udi utangila malu a ndongeshelu : " bua kupatula bipeta bia nsongo ne ba lukasa, tudi babueja intelligence artificielle mu malu a kufila bipeta bia balongi". Bionso ebi amu bua kupatula bipeta pa lukasa, kubenga kupitshisha diba bua bana ne baledi babu bamanya bipeta kumpala kua diba e nanku bamona bua kudilongolola.
Nanku kudi kabidi ngenyi ya bunyi mipia mipia idi mikala mibueja bua bipeta bia musangu eu bu mudi diumbusha dia bipeta amu mu Tshinsansa nkayamu, dikuba dia mandamuna ne mapuloma ni code bua se mutshima anyi buimvi kabibuedi nansha.
Bienzedi ebi bipiabipia bidi bikala mapangadika minenke bua kulongolola malu a ndongeshelu ne Ku ayisha kumpala mu ditunga dietu dia Congo wa ba nkambua.
Nanku tudi Bindila bua tshidimu tshiala kumpala kuikala kabidi mapangadika mapiamapia amu bua malu a ndongeshelu mu ditunga dietu aya kumpala.
Bualu nshintulukiku eyi idi uleja bua se ditunga dietu didi dikala munkatshi mua dibuela mu malu a ndongeshelu mudi matunga onso mikala mabuela bua dilongolola mianda ya mateta a mbula Matadi.
