Mvita ku luseka ludi diba dipatukila dia Ditunga : Kinshasa ni Kigali bumvuanganyi bua kukeba mushindu wa kutalaja ba FDLR
Thérèse Kayikwamba ni Olivier Nduhungirebe, bikala mena tshindonda ni mutangidi wa malu a pambelu pa ditunga mu ditunga dietu ni muinende wa mu ditunga dia Rwanda, batu biala mu mukanda udi mufunda tshienzelu tshia Conop, biumvuija ne "concept d'opération" mu mfualansa. Mbenza nunku mu dibidi dia matuku 26 ngondo wa kasuabanga utudi nenda Ku ditunga dia Angola mu tshimenga tshia Luanda.
Mu mukanda eu mutua biala kudi matunga aa abidi, ke mudi kaleji njila bua mushindu mujalama wa kutalaja nawu ba FDLR.
Bamana kutangija bingoma kudi ba FDLR, Conop udi ulomba Kabidi kudi Rwanda bua kumbusha bingoma bienda bidiyi mutangija muetu munu, ki muatulejibu kudi aba bavua babala muine mukanda eu.
Kumpala kua bionso ebi, ba mena aba babidi, Ku dibateka muaba umue kudi Angola, bavu bapetangana Ku Goma, tshimenga tshikulu tshia province wa Nord-Kivu, bua kuteka mu tshialu mushindu mujalama mu kulondeshilula nawu dibenga dia mvita pankatshi pa RDC ni Rwanda, mu matuku atanu a ngondo wa kasuabanga utudi nenda eu.
Valentin Kabandanyi
Valentin Kabandanyi Kalenga est licencié en journalisme politique extérieure de L'ifasic depuis 2010. Marié et père de 5 enfants,
Directeur des infos à arts.cd, présentateur du JT en Tshiluba à RTEDUC,
Analyste et Chroniqueur politique,
Actuellement Coordonnateur National de la Génération Christophe Lutundula "GCL"et Candidat à la députation provinciale à Mwene Ditu, dans la Province de Lomami.
