RDC: IGF waleji ne: "Midimu ya disukula ni dilondolola mabeji a mafutu ki idi mienza ni kufuta kua Ngondo wa kashipu mpumpumpu kuangata matuku"
Bena tshisumbu tshia IGF, baleji bua tshinyi kufuta kua bena mudimu ba mbulamatadi kudi kunenga tooo ni lelu. Bimueka bua ni dibueja dia mena mapiamapia a bantu, diumbusha dia mena makuabu avu mikala abidi asata pa mabeji a mafutu aa, ki bidi bienza bua ni mafuta anenga too ni lelu mu muenenu ma malu wa IGF.
Bua tshisumbu etshi tshitu tshikala tshilondeshilula difueta dia mbula matadi, tshikuata bimvi bonso ni aba bena nkosa mishiku, baleji mu dimanyisha difunda makelela au wa disatu dia matuku 2, Ngondo eu wa tshimungu wa mashika bua se, bantu bonso bikala ni lutulu bualu mafutu adiku mu matuku makesa emu.
" Mafutu a Ngondo wa muanda muteketa mapeta ka lujoku kakesa bualu midimu ya disukula ni diela bena mudimu bapiabapia mbiangata matuku. Nanku mina midimu eyi ikadi mijika, nanku bena mbulamatadi bonso, bindila mafutu abu mu matuku makesa emu. Numanya kabidi ni kufuta bena mudimu ka kua kunyungusha musangu nansha umue mushinga wa ndola ya muana muena amerika idi mikala miangata matelu makola mu ditunga dietu matuku aa nansha", ki mudibi bifunda mu dimanyisha edi dia IGF.
IGF udi utungunuka, ulomba kudi bena mbulamatadi bonso bua kulama mfualanga yabo mu mfualanga ya ditunga dietu bualu idi munkatshi bua dibanda anyi dipeta mushinga kumpala kua ndola ya muana muena amerika.
Bua kujikija IGF waleji ni mu matuku 28 Ngondo wa kashipu mpumpumpu, malu a makuta a ditunga dietu avu mushindu eu:
1. Makuta mangula kudi ditunga dietu: CDF 12. 691.647.583.909,70
2. Makuta matula kudi bukalenga buetu: CDF 12.343.816.518.698,00
3. Idi mishala mu tshibutshilu: CDF 378.288.835.307,27"
" Mbuena kuamba ni makuta adi mbulamatadi muangata mu bitadi ni mpetu yonso, bidi bilondangana ni ebi bivu meyi ni mikandu bia mpetu yetu bilomba, nanku meyi ni mikandu mikuabu mifidibua kudi bonso bua se tshienzedi tshitungunuka ni kabidi tshiya kumpala kupita too ni mudibi bienzeka mpindieu ", ki muajiki dimanyisha dia IGF nanku.
