Bipeta bia mateta a mbulamatadi : Tshienzedi bu tshia bishima kudi Mena Raissa Malu
Mateta a mbulamatadi bua tshidimu tshia 2025 mu ditunga dietu dia Congo wa ba nkambua, mangata ngenzelu mupiamupia, bilondeshila mapangadika minenke adi Mena Raissa Malu muangata bua Tshidimu etshi. Bua musangu wa kumpala, bipeta mbifidibua mu matuku makesa tshianana. Bua kuleja bua se, malu adi munkatshi mua dishintuluka.
Bualu buibidi, budi buikala kufila biheta mu biahu kudi IA, bua kumbusha bilema bionso bidi bantu bikala benza. Ne kabidi bua kubenga kuikala kuenzela mabeji bikola. Diandamuna dia bipeta edi kala kala, divu dikala amu munemu mu Tshinsansa ke muvudi dienzekela, kadi bua musangu eu, badi badienza mu bimenga bia bunyi bu mudi Lubumbashi ne Mbujimayi Ke bidi bienza bua kuya lukasa lukasa ne diandamuna dia bipeta edi bualu badi bikala ne makasa a diba.
Bina bipeta ebi bidi bikala bikuba kudi IA
Dienzedi tdhikuabu tshimpe tshia mapangadika mangata kudi Mena Raissa Malu, tshidi tshikala dia kulondolola mandamuna a balongi kudi IA, Blockchain ne kabidi difila dia QR code bua kujadika udi muenza mateta ne nguewa anyi muntu mukuabu. Bionso ebi mbienza ne bienzelu bia mu biahu bia S-Note Manager, bivu bikala biela amu bua bua se mulongeshi ne muedi wa mateta bikala batuishibue ne mandamuna a balongi, ne kabidi bikala bajadika se, mulongi ke udi muandamuna ki mbamuenzela nansha.
Bienzedi ebi bipiabipia, mbifila dituishibua ne kabidi bulelela mu biheta bidi bikala bifidibua. Bualu mapangadika aa kena amu bua badi batua mbota mu biamu nansha. Kadi adi kabidi aleja dijinga dia Mena Raissa Malu bua se malu a bipeta bia mbulamatadi abuela bulelela mu dishintuluka dia malu a munda mua ditunga dietu dia Congo wa ba nkambua. Nanku, ba kuleja bionso patoka kakuyi bualu busokoka nansha bumue to. Ne kabidi pa kufila bipeta pa lukasa kakuyi kalema, ditunga dietu diamuiki Ku mesu Kua matunga makuabu bu tshilejelu tshia ku temba Ku bantu mu malu adi atangela ngenzelu mipiamupia mu malu a ndongeshelu.
