RDC-Rwanda : « Bena ntanda badi balomba bua mvita yenzeka badi bamba bulelela, kadi mbimpa kutangila bimpa menamena bidi mvita mikala ilomba » , Patrick Muyaya
Nansha mudi dimonangana Dia Ku Luanda dipangika, Ditunga dietu ki ndianji kusungula mvita bua kuenza ni ditunga dia Rwanda nansha. Muenenu wa malu eu wa ditunga dietu ki udi mena udi utangila malu a tudiomba Patrick Muyaya Katembu muleja kumpala kua ba kamona Kamba wa nseya mu dia lumingu Dia matuku 15 a ngondo wa tshisua munene utudi nenda eu.
Patrick Muyaya Katembu wambi se, udi umvua bimpa dinyingalala dia bena ntanda pa bidi bitangila lutshutshu ludi ditunga dia Rwanda dikala dienza. Nanku Muyaya udi uvuluija kabidi makuta adi ditunga dietu bua kutula patuikala basua kuenza ditunga dia Rwanda mvita.
" Bena ntanda Badi basue bua tuenza Rwanda mvita, Badi ni dibinga dia bunyi, kadi bidi bikengela kutangila makuta Adi mvita mikala ilomba, bualu kukadi bena ntanda mbombo ni mbombo bakadi bapituka bafua. Mbimpa kutangila kabidi didifila dia mfumu wa ditunga dietu Félix Tshisekedi Tshilombo bua kukuba ni kulama mioyi ya bana ba ditunga dia Congo bonso", ki muambi Muyaya Katembu.
Dibenga kulua Dia mfumu wa ditunga dia Rwanda Paul Kagame Ku Luanda ki muenza nunku tshianana nansha. Bua Patrick Muyaya Katembu, Paul Kagame mubenga bua kulua kutua tshiala pa mikanda bua kujimija tshifukibua tshienda, ki tshisumbu tshia M23.
" Nanku pa kutua tshiala ni bukalenga buetu bua mu ditunga dia Congo wa ba nkambua, nkuitaba difua Dia tshisumbu tshienda tshia M23", ki muambi Muyaya Katembu nanku.
Ditunga dietu nansha mudi bipeta Bikala bibi Ku Luanda, ndimana amu bua kutungunuka ni diyukila ne matunga makuabu bua ditalala dibuela munda mua ditunga dietu.
