RDC: "Ka kuakuikala masungula mu matuku 20 a ngondo wa tshisua munena nansha", Bamba nunku kudi tatu Nanga Corneille
Muikala muendela buenyi tudiomba tua France 24, makelela au wa disatu dia matuku 18 ngondo eu wa kasua mansensa, Corneille Nanga, udi muikala mulombodi wa kala wa CENI, wambi se masungula adi akeba kuenzeka kaena ni budikadila nansha, ni kabidi kaena atangila bena Congo bonso nansha, nanku bidi bileja buenda yeya ni masungula mina aa kaakuikalaku nansha mu matuku 20 ngondo wa dikumi ni muibidi muetu munemu mu Congo wa ba nkambua nansha
Bua Nanga, dibenga kulonda diumvuangana ditua biala pankatshi pa Félix-Antoine Tshisekedi Tshilombo ni Joseph Kabila mu 2018, ni kufila ndululu mipita bunyi ikala muntu nansha umue kayi bua kukumbana kujikija nansha.
"Masungula ka akuenzeka mu dia matuku 20 ngondo wa 12, tshidimu etshi tshia 2023 nansha. Bualu bulongolodi bua masungula aa budi munkatshi mua dienzeka, mudi muikala mafi mapita bunyi. Nanku bu mudi mukanda mutua biala pankatshi pa Tshilombo ni Kabila eu muikalaku, ni bivu bifunda mu muina mukanda eu kabiyi binemekedibua, bidi bikengela kuanji kutshina.
Bualu kubenga kunemeka mukanda mutua biala eu, ni kufila malu mabi mapita bunyu ikala ni bua kuenzeka", ki muambi Nanga.
Ukadi mudienza mutontolodi munena wa Mfumu Félix Tshilombo. Nanga Corneille waleji bua se Félix mupanga kulombola bia bushuwa, mufila malaya a bunyi ka ayi amu akumbana nansha. Nangananga pa bidi bitangila bupola ku luseka kudi diba dipatukila dia ditunga.
Kunshala matuku makesa bua masungula kuenzeka. Mpata pa kuenzeka kua masungula itshidi ya bunyi pankatshi pa batontolodi ba bunyi. Pabi bua bukalenga buetu, " kawulu kakadi mu njila pabuipi ni kufika".
