Lumingu lua kahehela: Ditunga dietu munkatshi mua didilongolola bua kuakula diyi dimue kumpala kua COP30
Pabuipi ne kufika Ku COP30, wikala ne bua kuenzekela mu Tshimenga tshia Belém, mu ditunga dia Brésil, ditunga dietu dia Congo wa ba nkambua, Didi didilongolola bua kuakula diyi dimue pa bidi bitangila kahehela. Nanku, Tshimenga tshia Tshinsansa ne tshiakidila, kutuadijila mu dimue dia Makelele eu, dia matuku 27 Ngondo wa dikumi eu, lumingu lua kumpala lua bidi bitangila kahehela ne tshiena bualu tshia se: " metu, ke têtu bina".
Mu miyuki mienza ne ba kamona Kamba wa nseya mu dia matuku 23 a Ngondo wa dikumi utudi nenda eu, Marie Nyange, Mena udi utangila malu a nyungilukilu wa ditunga dietu, waleji bua se, tshienzedi etshi tshidi tshikeba bua kuakula tetu bonso diyi dimue bua kusangisha makola etu.
Bamanyi bakulu, balombodi, ba ngenda mushinga, bansonga pamue ne aba bonso badi ne menji a kufila bua muina muanda eu ne basangila munda mua lumingu lujima ne kupatula wetu muenenu wa malu pa bidi bitangila muina muanda wa nyungilukilu ne kahehela.
Tshienzedi tshia" Lumingu lua kahehela, tshidi tshikala bua musangu wa kumpala udibi bienzeka nunku munda mua ditunga dietu dia Congo wa ba nkambua, bua se ditunga dietu diakula diyi dimue ne dia lungenyi mu COP30" , ke muambi Mena wa nyungilukilu nanku.
Tumanya bua se, ditunga dietu didi dikala ne metu manena a bunyi mapita a matunga onso bua mu buloba bujima. Nanku Didi dikala ne dijinga dia kuakula ne bena Congo bonso bua bafila Abu menji bua bidi bitangila metu Abu.
Nanku menji onso ikala ne bua kupatuka mu tshina tshisangilu etshi tshia lumingu lua kahehela ke, afundabu mu mukanda bua kuyabu nawu mu COP30 bua kuyabu kuakula kumpala kua matunga makuabu.
