RDC: Steve Mabiku udi mufila mpala bua kuikala nguvena wa Kwilu, kena Kabidi muena mudimu wa CENI nansha
Mbia mafi, Steve Mabiku udi mufila mpala wenda bua kuikala nguvena ku Kwilu, kena kabidi muena mudimu wa CENI to. Nanku, yeya eu uvu mufila munkanda wenda wa dilekela nau mudimu kudi mukalenga Denis Kadima uvu kabidi muitaba muina mukanda eu.
Nanku, Mabiku steve udi muikala mukolela mu tshimenga tshia Bandundu, tshidi tshikala tshimenga tshikulu tshia province wa Kwilu. Bualu, bena tubidi tua ndumbi, bavu bikala bendesha ngumu mibi ya mafi bua se, muena ntanda eu udi muikala to lelu mumanyi mupiluke ku luseka lua mufundi mukulu wa kasumbu ka masungula Ceni, ni kabidi udi musua kuangata ku bukola bulombodi bua province eu wa Kwilu.
Bena moyi mubi aba, bavu bikala badiamba ni mbamue ba mu tshisumbu tshia Union sacrée, kakuyi nansha tshimue tshidi tshileja patoka dikalangana diabu edi nansha. Boba aba mbenza ni muabu monso amu bua bumbusha mpala wa Steve Mabiku bua kuikala mu mulongu wa badi basue kulombola province eu wa Kwilu.
Padi tudiomba tuetu tumuela makonka, Steve waleji bua se badi bakeba bua bangumbusha badi amu bena moyi mubi ni aba bonso badi munkatshi mua dilowa bua bana ba ku Kwilu kabayi kumpala nansha.
Pikala mpala wa Steve udi ufikisha bantu kampanda munda, "bebeja amu aba bena Union sacrée bonso ba ku luseka eku, mbua ntshinyi menji ni lungenyi luabu lonso mbaluteka kundi mema, bualu mbamanya menji atudi nau bua kushidimusha Province wetu wa Kwilu. Ke bualu kayi, mbaya too ni kudi wa ditunga bua abitaba, wabipatshi", ki mualeji Steve.
Tukuata bua se, masungula a ba nguvena ni bindonda biabu naenzeka mu matuku 28 a Ngondo muinayi ulualua eu. Nanku, ku Kwilu nebienzeka ni ka lujoku kakesa bualu kudi masungula a ba tshihuita munua mfuanka ikala ni bua kuenzeka ku luseka elu lua Masimanimba.
