Tshisekedi kudi Kagame : « Ngakoluedi tshianza tshianyi bua tukeba bupole »
Muikala mu Tshimenga tshikulu tshia ditunga dia bena beleji, nanku mutua muakulu bianza mu tshihangu tshia Global Gateway, mfumu wa ditunga dietu dia Congo wa mungalata ki Félix Tshisekedi Tshilombo Ku kemesha bonso bavu mu tshina tshisangilu etshi ba koluela Kagame diboko mu miaku eyi : " pa mutu pa kutungunuka mu dikosoloka, ndi musua bua tubanga ngenzelu mipiamipia, tuteka biluilu bia mvita panshi, diumvuangana dibuela bua ditanta dia matunga etu". Ki muakudi mfumu wa ditunga dietu nanku, mu dimue dia matuku 9 Ngondo eu wa dikumi tshidimu tshitudi natshi etshi.
Mu diakula dia bu Wetu, Tshisekedi walombu kudi Kagame bua se mvita kayitu ne difutu nansha nangananga pankatshi pa matunga aa abidi Rwanda ne RDC. Lelu eu, " tudi nkayetu babidi badi bikala bua kupatula bipeta biakana Ku mvita eyi, bualu bena ntanda ba mu matunga etu aa abidi kabena mua kuikala bakenga nunku tetu batangila nansha". Ki muakudi mfumu Tshisekedi uvu muikala munkatshi mua dileja buimpa bua ditalala munda mua matunga aa abidi.
Tshilombo wa Tshisekedi walombu kudi Kagame bua aleja patoka tshienzedi tshimpe tshidi bua kuleja bua se muanyisha bua se ditalala dibuela Ku luseka eku kudi diba dipatukila dia ditunga dietu.
Miaku eyi miakula mu tshikondo tshidi malanda a ditunga dietu ni dia Rwanda kayi mimpa nansha. Bualu ditunga dietu didi dikala munkatshi mua kulomba bua se, kumpala kua miyuki ya malu a mpetu kuenzeka ne ditunga dia Rwanda bidi bikengela bua se Rwanda umbusha biluilu bienda bionso bia mvita ne bantu benda Badi bikala mu ditunga dietu.
Nanku, tshienza tshia mfumu wa ditunga dietu Tshilombo wa Tshisekedi, tshidiyi muikala ubikila se " bupole bua bilobu" tshidi tshikala tshifila ditalala ne bulongama mu mioyi ya ba wetu bonso badi bindila bua bupole bulelela bubuela mu ditunga dietu dia Congo wa ba nkambua.
