Manaya a musangu wa 9 a Francophonie : Mushikiwabo Louise neyikala bua kulua munemu mu Tshinsansa
Kinshasa waleji bua se muindila mufundi mukulu wa ndongamu wa Francophonie, ki muena muabu Mushikiwabo Louise, nanshi mudibi kabiyi bipetangana ni ngumu ituvu banupesha musangu mushala nansha.
Kumpala kua ba kamona kamba mu dimue dia 24 Ngondo eu wa muanda mutekete, mu tshipalu tshia ndundu tshia Tata Raphaël, Mena udi utangila malu a munda mua ditunga, mena udi utangila malu a tudiomba ni muakulu mukulu wa bukalenga buetu ni muena muabu mutangidi wa malu a Francophonie baleji bua se Mushikiwabo neyikala mua kulua munemu bua yeya kutua tshikemu tshia mbangilu wa manaya aa a Francophonie mu dia matuku 28 ngondu eu.
Nanku, ku lukonku lua kumamya ni bakadi bamutumina mukanda wa dimubikila nawu, Peter Kazadi wakudi bua kuleja mudimu udi mufundi mukulu wa malu a Francophonie bua kuenza mu tshina tshibilu etshi. Bualu ditunga dietu didi dilongolola pamue ni ndongamu wa Francophonie manaya aa. Nanku, kabiena bilomba bua se ditunga dietu ditumina Mushikiwabo mukanda wa njila nansha.
Nanku kumpala kua bukalenga buetu kufila dimanyisha edi, kukavu meyi meyi mikala apita mu biahu bua kuleja bua se Bukalenga buetu mbubenga bua kubikila Mushikiwabo munemu mu Tshisansa bua kuela kashiba ka ntuadijilu ka manaya aa.