RDC : Disama dia Ebola ndipingana kabidi Ku Kasaï, bantu 16 mbafue Ku Mbulampe
Disama dia Ebola ndipingana kabidi mu ditunga dietu dia Congo wa ba nkambua, Ku musoko wa Mbulampe Ku Kasaï wa Kutshinta diminu, Disama edi ndishibeya bantu 16; bionso ebi mbiela patoka kudi Mena udi utangila malu a bukola bua mubidi ke muena ntanda Samuel Roger Kamba.
Nanku, kudi badidi bantu 28, Badi bikila batatshishibua ne Disama edi, munkatshi muabu ba minganga 4, bienza vu bia pa lukama 57 % .
Bua Mena Kamba, mu bukebi kebi bua INRB, bipeta bidi bileja ne disama edi ndibuela mu ditunga dietu katshia Ku matuku 20 a Ngondo wa muanda mukulu : mamu kampanda wa bidimu 34 ne difu mu lupitadi lua Mbulape uvu ne bimanyinu bia disama edi dia ebola ( mubidi kapia, kuluka, mateketa, ne mashi,...). Amu muvua kishi ka kala ka mu tshikondo tshia Zaïre amu, bilejika katshia Ku matuku 3 a ngondo wa tshitema eu.
Numanye bua bishiferi bionso bidi bifidibua ebi bidi bia kuteta, ki mualeji Mena Kamba , bualu bidi mua kumueka biabunyi mu meba alonda kumpala ému.
Nanku, bena kasumbu ka COUSP, Badi bikala batangila malu a masama a pa lukasa Badi bikala badienzeja ne muabu monso bua kujikija malu aa, ne kujoja biakana mudi disama dikala ditampakana, ne kumbusha bantu Badi ne bimanyinu bia disama edi kubateka Ku luseka.
Mbalongolola miaba bua kuteka aba badi ne bimanyinu bia disama edi bua kubenga ditampakana diadi mu meku a bunyi.
Mena Kamba udi wambila Mena Congo bonso bua kuikala batabala ne kuleja muntu yonso wikala mumueka ne bimanyinu bia disama edi Ku nomba wa 151, ne kubenga disangila ne aba bonso badi bikala ne bimanyinu bia disama edi nansha.
