RDC - Monkeypox : Bantu Badi disama edi dizengeja badi lelu batua Ku 42 000
Mu miyuki mienza ni ba kamona Kamba wa nseya mu disatu dia matuku 13 a ngondo utudi nenda eu wa kasuabanga ni muena dienda mena udi utangila malu a miyuki ni tudiomba, mena udi utangila malu a bukola bua mubidi ki ngangabuka Samuel Roger Kamba waleji patoka mianda idi itangila disama Dia Monkeypox.
Bantu batua ku binunu makumi anayi ni ibidi badi bikala ni disama edi. Mu bobo emu bantu tshinunu ni nkama isatu mbafue.
Ngangabuka Roger Kamba waleji kabidi bionso bidi bukalenga buetu buikala buenza pamue ni bisumbu bikuabu bionso bua se disama edi kadishipi bantu ba bunyi nansha.
" Ku lumingu ni Ku lumingu tudi bikala tuenza bihangu binene bua kusangisha ngenyi ni bonso badi bikala batutua nyama Ku mikolu bua kujikija dine disama edi. Katuena tuenza nunku amu bua ditunga dietu nansha, kadi tudi tuenza bua matunga a bunyi adi mikala pabuipi netu pamue ni bena menji bavule ba mu buloba bujima", ki muambi mena mutangidi wa malu a bukola bua mubidi.
Mbuena kuamba se, Badi bikala bakeba bonso badi disama dikala dizengeja ni makuabu masama onso adi afuanangana ni mpox.
Nanku panyima pa mateta enzabu ne bumbusha masama onso makuabu au.
Bua kuluisha dina disama edi, batangidi ba bukola bua mubidi mbela mu tshialu mapangadika manena atanu : dijoja ni disu dikola, dienzeja dia mateta, londopu lua pa lukasa, ni dikuba bua disama edi kaditampakanyi nansha.
