RDC : OMS udi wela lubila usohuesha ba wetu bonso bua disama dia Monkeypox
Mbabuela mu tshipangu tshia tshimpitshimpi katshia ku dia matuku 14 a ngondo wa muanda mukulu, tshidimu etshi tshia 2024, OMS udi munkatshi mua didimuisha ba wetu bonso pa bidi bitangila disama dia monkeypox anyi mbalanga ya nsenji idi mikala mikuata ba wetu ba bunyi mu ditunga dietu dia Congo wa ba nkambua.
OMS udi uleja bua se, bimanyishilu bionso bidi bikala bilejekibua bua kubueja "État d'urgence mu malu a masama mu ditunga dietu".
Dipingana dia disama edi mu ditunga dietu edi dia Congo wa ba nkambua didi dikala dikola lukasa lukasa. Ni kabidi dibanda bikola mu matunga a bunyi a bukua mufike, bionso bidi bikengela kuteka pa lukasa état D'urgence pa malu a masama". Bualu disama edi didi dikala dikola lukasa lukasa ku luseka ludi diba dipatukila dia ditunga. Diodi kabidi didi dikala munkatshi mua ditampakena bena ntanda ba bunyi ba mu matunga adi pabuipi netu. Bidi bikala bielesha OMS menji bikola. Nanku bidi bikengela diandamuna dia pa lukasa kudi nsangilu wa matunga onso bua kumona mua kuluisha ni kutshimuna disama edi ni lubilu lonso" ki mualeji ngangabuka Tedros Ghebreyesus mulombodi wa malu a masama ku OMS.
Nanku ku luseka ludi diba dipatukila dia ditunga nkupatuka disama edi dia monkeypox dikala ni ntampakenu wa kanyawu dishilanga ni monkeypox yonso ikatu mibuela mu ditunga dietu, bionso ebi ki bivu bimanyibue katshia ku ngondo wa kasuabanga wa tshidimu tshishala tshia 2023, kudi OMS.
