Tubadi tua batumbula: "Dilumbuluisha dia ba nkoviongu aba ki ndileja butoka nansha bumue bua kuleja mudibi bapana bitupa bia mubidi bia bantu nansha", biamba nunku kudi bena tshisumbu tshia Filimbi

Mbuena kuamba ni bua bena Filimbi tubadi ntushiya nkonku ya bunyi kayiyi ni mandamuna nansha. Ki bualu kayi baleji ni tubadi etu tua TGI/ Gombe ki ntuleja biakana tusumbu tua bapanyi ba bitupa bia mubidi bia bantu nansha.

Kasumbu ka Filimbi kaleji kabidi bua se tubadi etu ki ntuleja ngelelu wa menji wa batumbula aba, ni bantu bonso badibu benza nabu mudimu nansha. Tuya amu ni malu lubilu lubilu.

Bua bena Filimbi ditaba dia lubilu lubilu dia batumbula didi dikala dileja bua se nkosa mishiku neyikalaku, kupanga bulongame ni butoke, ni dipanga dimanya kuenza mudimu kudi ba nzuji. Nanku Filimbi walombi bua se kabalekedi bena tshinyangu aba nansha, bualu mbitaba nkayabu ngenzelu yabu ya kanyawu eyi.