RDC : « Tshisekedi udi unaya ni mudilu, bikengela tetu bonso tumana kulu! » biamba kudi Fayulu Martin
Mu diakula dienda ni bena Congo bonso mu dimue edi dia matuku 18 ngondo wa kasuabanga utudi nenda eu, Fayulu Madidi Martin mutontolodi munene wa mu ditunga dietu wabikidi bena Congo bonso bua bimana kulu nabenga Dishintulula Dia constitution wa mu ditunga dietu bu mudi mfumu Félix Antoine Tshisekedi Tshilombo ubalomba.
Yeya mutua muakulu bianza, wangatshi meyi makola bua kuimanyina tshidiyi muikala ubikila ni nditeta dia dianyanga dia mungalata wa mu ditunga dietu ni dikalangana dietu dijalame.
Fayulu Martin wakumbaji meyi enda bua kuamba ni Mfumu wa ditunga udi " muikala unaya ni mudilu", bualu Buenda yeya kena ukumbana bua kulongolola bualu nansha bumue mu ditunga dietu nansha.
Ku lukuabu luseka, Fayulu wavuluiji mfumu wa ditunga bibi bialua mu ditunga dietu pa Ku kubuela mu tshipangu tshia EAC, nanku, bionso ebi ki bidi Mia kuenza bua se, tujumija ndambu ya malaba a mu ditunga dietu.
Martin Fayulu udi uleja bua se yeya ki uvua bena Congo basungula mu bulelela bu mfumu wa ditunga dietu. Bualu bilondeshile dienda dimona yeya ki uvu mutshimuna musungula a mu tshidimu tshia 2018. Nanku bionso ebi Fayulu udi ubienza bua kuakaja lumu luenda lukadi lunyanguka Ku mesu kua bena Congo bonso too ni kudi batontolodi bakuabu bu yeya, kabatshiena bamumona kabidi ni disu diakana nansha.
