RDC : Congo Airways wakididi ndeka wakumpala wa Boeing 737-800
Ditanda dia malu a ndeka Congo Airways ndiakidila ndeka wadi wa kumpala wa mushindu wa Boeing 737-800 mu dibidi dia matuku 12 a ngondo wa kasuabanga eu mu meba dilolo, Ku tshipalu tshia ndeka tshia N'djili munemu mu tshimenga tshia Tshinsansa.
Ndeka eu udi ubuela bantu 174 ni bantu 12 mu muaba wa lumu. Ndeka eu mbamuangata dibanza amu ni moyi wa se ditanda edi dia Congo Airways kadifu nansha bualu kukadi ngondo mivule idi ndeka yadi kayiyi mienda nansha.
Ndeka eu mmufuma mu tshimenga tshia Rijeka mu ditunga dia Croatie, ndeka eu wa Boeing 737-800 udi muikala bipeta bijalama bia diumvuangana dia ditanda dia bena Lituanie Klasjet ni Congo Airways. Matanda aa abidi akuvu pa kala menza midimu muaba umue tshidimu tshiashadi etshi tooo ne panyanguku ndeka mishala eyi.
Mu diakula ni badi pabuipi ni balombodi ba ditanda edi dia Congo Airways, ndeka mukuabu neafika munemu mu matuku makesa adi alua kumpala emu, tuamba bua se, patuamba kufika mu matuku 18 a ngondo wa kasuabanga utudi eu.
Tumanya bua se, Congo Airways udi mua kubanga midimu yenda ya diambula bantu mu ditanu dia matuku 15 a ngondo wa kasuabanga utudi nenda eu, ki muambidibu eu wa Ku ba kamona Kamba betu ba une.cd kudi bena mudimu ba ditanda edi.
