RDC : Vital Kamerhe washiyi nkuasa wenda wa bu mfumu mulombodi wa nzubu wa ba tshihuita munua mfuanka
Bia dikema bidi bienzeka mu nzubu wa ba tshihuita munua mfuanka Makelele au, Kamerhe vital bu mfumu wa Nzubu eu, waleji patoka kudi bonso mu dituku edi dia matuku 22 ngondo wa kabitenda bua se washiyi nkuasa wenda eu wa bu mfumu bua mulombodi wa nzubu eu wa ba tshihuita munua mfuanka, meba makesa kumpala kua tshihangu tshinene tshia ba tshihuita munua mfuanka kubangatshi bua kulua kuelangana menji pa mukanda mufunda kudi muinenda wa mu tshisumbu tshia udps bua bumbusha yeya Kamerhe vital mu nkuasa bua ndomboluelu mubi wa nzubu wa tshihuita munua mfuanka eu.
Uvu mubambila bina bionso mu dimanyisha dienza ne bilo bia ba tshihuita munua mfuanka aba mu meba a iba mulolo. Numanye bua se bidi bienzeka mu tshikondo tshia makokianganyi a bunyi mu tshisumbu tshia mfumu wa ditunga anti union sacrée.
Mbienzeka kabidi amu kunyima kua dituku dijima divu Kabuya Augustin mufundi mukulu wa udps bayukila ne mufundi mukulu wa UNC. Bileja bua se, kudi diumvuangana kampanda dia mu musokoku pankatshi pa bakalenga aba babidi3bua kujikija malu Abu mu ditalala.
Amu mu bina bimvundu ému ke mudi Dominique Munongo penda uvu muikala mu bina bilo ebi mushiya nkuasa wenda. Mbimueka se, bakuabu nebalonda panyima.
Mbualu bua kulondeshilula bikola.
Valentin Kabandanyi
Valentin Kabandanyi Kalenga est licencié en journalisme politique extérieure de L'ifasic depuis 2010. Marié et père de 5 enfants,
Directeur des infos à arts.cd, présentateur du JT en Tshiluba à RTEDUC,
Analyste et Chroniqueur politique,
Actuellement Coordonnateur National de la Génération Christophe Lutundula "GCL"et Candidat à la députation provinciale à Mwene Ditu, dans la Province de Lomami.
