RDC mufunda Apple Ku tubadi tua mu France ni mu Belgique bua diumbula mu musokoku manema enda a muinshi mua buloba

Bua ditunga dietu, Apple kena mua kupanga kumona bua se tshisalu tshienda tshidiyi wenza ntshiwula ni mabanji anyi mikala ne mashi a bantu, mabanji mangata mu misoku idi mikala munkatshi mua mvita, bikala bashibeyangana kukadi bidimu bipita pa 30.

Difunda edi didi diandamuna Ku mbila idi ba kamona Kamba wa nseya bikala bela Ku tudiomba Ku diba ni Ku diba pamue ne batangidi bapiluke bonso badi munda ne pambelu pa ditunga dietu Badi munkatshi mua kuela mbila bua kulomba ditunga dia Rwanda bua kumbusha masolayi adi munda mua ditunga dietu.

" Tudi munkatshi mua kuenzela bionso bidi ku bukokeshi buetu bua kumona mua kubueja bupole Ku luseka ludi diba dipatukila dia Ditunga dietu", ki muambi Mena Muyaya Katembu nanku.

Nanku Patrick Muyaya udi ulaya ba kamona Kamba wa nseya bua se neababikila mu matuku makesa adi alua kumpala eku bua kubaleja munda ni mu butshiama bidi bikala munda mua mikanda idibu bafunda nayi Apple eyi.

Manema aa mamanyibue mu Dina dia "3T ", mumue ne Étain, tantale ne tungstène ki yoyo idibu bikala benza nayi tuamua tua Ku bianza anyi téléphone itudi tuyikila nayi, ordinateurs,..buloba bujima mumanya ne ditanda dia Apple didi dikala disumba manema aa kudi ditunga dia Rwanda Didi dikala ditangila Rubaya.