Nzubu wa ba tshihuita munua mfuanka : Bukalenga bua ditunga dietu buafidi bulongolodi bua difueta dia 2026, bitangila nangananga bukubi bua bantu, ndongeshelu ne bibambalu
Mamu mulombodi wa bukalenga bua ditunga dietu ki Judith Suminwa wafidi katshia Ku dimue dia matuku 15 ngondo eu wa kabitenda bulongolodi bua difueta dia mbulamatadi wa ditunga dietu bua Tshidimu tshia 2026 kumpala kua ba tshihuita munua mfuanka. Bionso mbienza mfualanga mbombu ni mbombu 59.000 ya muana wa muena kongo bienza bu 20,3 mbombu ya ndola ya muana muena amerika. Bimueka dibanda dia pa lukama 16 pa kutangila bivuabu benza tshidimu tshiashadi etshi.
Bukalenga bua ditunga dietu mbufila bulongama ne kabidi bupitshisha kumpala malu adi atangila bukubi bua bantu, bibambalu, madimi, mianda ya kasolonyi ne ya ndongeshelu kabayi bapua moyi bena mudimu ba mbulamatadi nansha.
Nanku Ku tshi mamuenda wa bukalenga baleji bua se, mbafila kabidi muanda udi utangila mudi Makuta a musangu mushala matudibua bua Tshidimu tshia 2024. Nanku, bidi bimueka se mbulamatadi uvua mubueja mfualanga mitua Ku 35 513, 9 ya mbombu ya muana muena Congo. Ne kabidi mbatula mfualanga mitua ku 35 872, 5 mbombo ya muana muena Congo, ( mbenzela : 80, 78 %).
Mbenzela ndondeshilu mulenga bua muanda udi utangila dilondeshilula dia malu mu nshintulukilu ya malu menza mu mianda ya kulondeshilula difueta dia mbulamatadi kudi Mena mupiamupia Adolphe Muzito, bua kulongolola bidi bitangila difutshisha bitadi ne dilondesha dia mudi Makuta abuela mu difueta dia mbulamatadi.
Nanku nebabangisha kujoja muina muanda eu mu mbingu yalua kumpala eyi, bua se babangisha kuenzela mu Ngondo wa tshongo wa minanga sa tshidimu tshia 2026 tshialua kumpala eku.
