Masungula a ba tshihuita munua mfuanka: ba candidats 82 bumbusha, bakuhula mena bua buivi, bu mudi Ngobila, Tshomba, Pululu ni Bakonga
Tuamba se, ba candidats 82 ku masungula a ba tshihuita munua mfuanka a mu matuku 20 ashadi aa, ba mu province ni ba mu ditunga dijima, mbubushibua mena, babumbusha kudi kasumbu ka Ceni bua buivi, bilumbu, kutuma bantu ku matandu, bimvundu ni kabidi dikala ni mashinyi a kusungulangana nau kuenda kumbelu,... Ki bu mudi Ngobila Gentiny, Colette Tshomba, Nsingi Pululu, Willy Bakonga, ni bakuabu.
Ebi ki bidi biambibua kudi mfumu wa kasumbu ka Ceni mu diakula dienda ku tshiondo tshia ditunga dietu mu dilolo dia mu ditanu dia matuku 5, ngondo wa tshiongo wa minanga, tshidimu tshitudi natshi etshi.
Ba candidats tshihuita munua mfuanka aba mbubushibua ni malu a bunyi adibu baleja ni mbenza bu mudi kuiba kua meyi, dikosa dia mishiku, dikalangana ni mashinyi a kusungulangana nau (DEV) ni dienzeja dia bena mudimu ba CENI malu ku bukola.
Mu bantu aba badi bikila bumbusha mena abu mudi baluma ni bakaji badi bikala banena ba Tshisumbu tshia " union sacrée", bena tshisumbu tshia tshididi tshia UDPS, ba mena batshikala mu nkuasa, ba gouverneurs batshikala mu nkuasa, ba sénateurs, ni bantu babunyi badi bikala pabuipi ni mfumu wa ditunga anyi bukalenga ebu budi mu nkuasa.
Mena a ba wetu 82 badibu bumbusha mena mbobo aba:
