RDC : " Mema mulua mfumu wa ditunga, tshia kuikala ntangila amu bubi bua bakuabu nansha, ni njikija mvita yonso mu ditunga mu ngondo 6", ki muambi Katumbi nanku
Umue wa badi bafila nkuasa bua kuikala mfumu wa ditunga dia Congo, ki muena muabu Katumbi Moïse, waleji mu ndongamu kampanda uvuabu bamubikila bua kuenza mu matuku 7, a ngondo eu malu kabukabu ikalayi bua kuenza yeya muikala mfumu wa ditunga.
Bu mudi dikalangana dienda dia buena Congo diakudibua bikola, Katumbi waleji ma passeport enda kumpala kua bantu bonso,wambi kabidi bua se yeya uvu muenza ngendu ya bunyi pamue ne mfumu wa ditunga Félix Tshisekedi Tshilombo mu États - Unis ni matunga a bunyi.
Bua bidi bienzeka ku luseka lua Est wa ditunga, Katumbi wambi ne yeya mulua mfumu wa ditunga, mu ngondo isambombo tshianana, udi ujikija mvita eyi kakuyi bilela nansha.
"Tshiakuikala ngela malu a mu ditunga dietu pambidi pa bantu bakuabu nansha, ne ngenza monso mundi mumanya bua bupola bubuela, mu ngondo isambombo tshianana, mvita eyi mijika. Ni nanku ne kuikala kanemu kudi basalayi ba ditunga dietu. Tshi kuikala ngenza malu bua kusankisha bantu to, kadi bua kulengeja ditunga bikola, ne mfila mandamuna a bena Congo ne bena Congo nkayabu", aa meyi a Katumbi.
Nanku mulombodi wa tshisumbu tshia Ensemble, waleji ne yeya neikalaku bua kusankisha bena Congo nkayabu, ki bantu ba pambelu ba ditunga nansha bu mudibi bienzeka mpindieu.
Tunuleja bua se, diakula edi dia Katumbi ndilua matuku makesa kunyima kua dikuabu divuayi muenza kumpala bua kuleja bua se yeya ki udi ukumbana bua kulombola ditunga dia Congo biakana.