Miyuki bua Dishintulula Dia constitution : « Tshindi mona, tshidi tshikala moyi wa lufika kudi ba wetu kampanda kudi mfumu wa ditunga », ki mudi Muyaya wambila batontolodi

Kumpala kua ba kamona Kamba wa nseya ku Katanga wa madi, mu dimue dia matuku 18 a ngondo wa kasuabanga utudi nenda eu, tshikuma mbila wa bukalenga bua ditunga dietu Muyaya Katembu udi muikala mubika mua dikema bua muenenu wa malu wa Sessanga Delly, pabi bikala bua se matuku mashala aa, bena tshididi ba bunyi bavu basomba bua kushintulula constitution wetu eu nunku.

" Bidi bimpa bua se tudilongolola, tulekela moyi mubi wa lufika wa mushindu eu, tulekelayi lukinu ne diambisha miaba ya bantu bakuabu, bualu tetu bonso ki mbatufuka amu bua kushala ba mfumu ba ditunga nansha (...) Tshindi mumona, tshidi tshikala amu moyi wa lufika udi ba wetu kampanda bikala nawu kudi mfumu wa ditunga dietu, kadi bikala bashimina dishintulula dia constitution", ki muambi Muyaya Katembu.

Wa tungunuku ni kubikila ba wetu bonso bua kukuna bobumue, kukuna disomba dimpa pamue  kudi bantu bonso, pamutu pa kukuna buena ni bukua anyi kanyinganyinga ni moyi wa lufika bidi bikala bikola kakesa kakesa mu mioyo ya ba wetu kampanda. Tuindila bonso patekabu mu nkuasa mu tshidimu tshia 2025 kudi mfumu wa ditunga kasumbu kikala komekela malu a kuangata muenenu wa malu wa bena Congo bonso ba bidi bitangila constitution wa ditunga dietu. " Kudi bonso nansha aba badi bikala babenga bua kushintulula constitution".

Miyuki ya kushintulula constitution idi mikala Ku kakesa ku kakesa ivula mu ditunga dietu. Pikala tshisumbu tshia UDPS tshikala tshiditatshisha ni muatshi monso bua kumvuija bantu buimpa ni bubi bua malu adi mu constitution utudi nenda eu, bakuabu bu mudi UNC ni MLC mbakanga mikana yabu kabayi babutshuka nansha.