Midimu ya mbulamatadi: Bena mudimu 135.000 babangibua kufutshibua mu bidimu 2, bishilangana ni 10.000 mu bidimu 20 ( Biamba kudi Mena JP Lihau)
Mena mutangidi wa malu a midimu ya mbulamatadi, uvu mubikidibua mu miyuki itu yenzeka mu dimua dionso pankatshi pa bakuidi ba bulanga buetu ni ba kamona kamba, nanku yeya wakudi pa muanda udi utangila bipeta bia mudimu muenza mu malu adi amutangila mu disatu dia matuku 11, ngongo wa kasua mansensa tshidimu tshia 2023.
Mu diakula dienda Lihau Jean Pierre waleji bua se bena mudimu 135.000 bapiabapia mbabangibua kufutshibua mu bidimu bibidi bidiyi yeya muikala ku mutu wa midimu eyi ya mbulamatadi mu ditunga dietu dia Congo wa ba nkambua. Bualu mu bidimu 20 bishala, mbulamatadi uvu mufuta bantu amu binunu 10 tshianana.
Lihau waleji kabidi bua se bena mudimu babunyi bakavu bakulakaja mbatumibua pambelu baya kikisha bikala kabidi bapeta makuta abu a difutu kakuyi bualu nansha.
Nanku amu mu diakula dienda amu, Lihau watumbishi bikola mudi bukalenga bua ditunga dietu buikala buenza bukola bonso bua kupingaja bena midimu bansonga muaba uvu muikala amu bakulakaja,
Ku diambuluisha dia tulasa tua ENA.
Bukalenga bua Sama Lukonde, mu malu adi atangila bena mudimu ba mbulamatadi mbulongolola bikola mafutu. Mu luena lungenyi elu, bionso ni bitungunuka kabidi bikola mu 2024.