Haut Katanga : Joseph Mwinkeu Tshiend mbamupesha muanzu wa bu Docteur Honoris Causa mu malu a bu kaleji njila ni a dilombola diakana

Muanzu wa lumu ni makumbu eu, mbamupau katshia mu ditanu dia matuku 22 a Ngondo muisatu eu kudi ndongelu wa kulu anyi Université de la réforme au Congo bua ngenzelu yenda miakana mu malu a ndomboluelu muimpa mu bu kaleji njila, nangananga bua kuluisha ngikadilu mibia mibiala idi mikala miangata miaba mu mianda ya ndongeshanganyi mu ditunga dietu mu bilongelu bia mbulamatadi bidi bikala ku bulombodi buende mu ditunga dietu.

" Tudi bonso ni disanka dia bunyi ni batuishibua ni mudimu udi nsonga eu ni muana wa muena Congo muikala wenza bua kushidimusha ditunga dietu mu malu a EPST", ki mualeji mulongeshi munene Espérance Tshimena, mutangidi wa tshilongedi etshi tshia kulu tshia Université de la Réforme pavuyi upesha Joseph Mwinkeu dina diplôme edi walayi bua kutungunuka ni kuakuila malu mimpa adi ayisha  malu a ndongeshilu kumpala.

Tukuata kabidi ni Joseph Mwinkeu Tshiend udi muikala docteur mu tulasa tua kulombola natu malu, mulongeshi ni kabidi muina mpala wa ba nsonga mu mianda ya Francophonie.