Bua dituku dia 20, ngondo muisatu didi diamba muanda wa Francophonie: "Bena Congo ba bunyi ki mbananga kabidi Francophonie to, ba bunyi badi balomba bua ni tumbuku mu tshisumbu etshi", ki mudi Muyaya Katembua Patrick muleja
Ditunga dietu dia Congo wa mungalata ki ndisua bua kuenza tshibilu nansha tshimue dituku dia 20 didi diomekela mianda ya Francophonie nansha. Bualu, ndululu ni mvita bituela kudi Rwanda ku luseka ludi diba dipatukila dia ditunga, ni dibenga kuakula dia bena tshipangu etshi mu bina bilumbu ebi, ki bidi bikala bienza bua se balombodi ba ditunga dietu babenga kuenza bina bibilu ebi.
Padi ba kamona kamba bela Muyaya Katembu nkonku, pa muina muanda eu, mu miyuki ivuayi muenza nabu pamue ni muena dienda wa malu adi atangila pambelu pa ditunga, Mena Muyaya waleji ni washindiki se, tshisumbu etshi tshia Francophonie katshiena tshitutua nyama ku mikolu nansha musangu umua to, nangananga bidi bitangila ndululu ni mvita bituela kudi ditunga dia Rwanda.
" Tudi bikala mu madilu ku luseka ludi diba dipatukila dia ditunga, tudi munkatshi mua didila kabidi makenga onso adi bena ntanda bikala bamona ku luseka eku. Nanku tudi munkatshi mua dimona se, kakuakuikala tshibilu nansha tshimue mu ditunga dietu bua dituku edi dia Francophonie nansha. Bualu bena OIF kabena batangila nansha musangu umue makenga atudi nau to, nansha mutudi bikala tuakula muakulu umue tetu bonso. Bena congo ba bunyi badi bikala badiebeja bua se kipatshila kina ka kuikala mu Francophonie kadi kuehi?"
Mu diumvuangana diabo babidi, mbimueka se, Mena Muyaya ni muinenda Lutundula badi munkatshi mua difumba ngenyi yabu bua kumbusha ditunga dietu mu tshipangu etshi tshia Francophonie.
Nanku mbilejika bua se, kakuakuikala tshibilu nansha tshimue to, bua muanda udi utangila Francophonie mu ditunga dietu. Nanku, nekuilale amu ma ndongamu kampanda makese ku tudiomba tuetu tua RTNC ikala mua kuakula muina muanda eu.