Masungula a 2023: Seth Kikuni mufunda Félix Tshisekedi Tshilombo ku cour constitutionnelle lelu eu wa dimue bua kabamuitabi bu candidat mfumu wa ditunga nansha
Ba avocat ba Seth Kikuni umue wa ku batontolodi ba mu ditunga mbaya kafunda mfumu wa ditunga Félix Tshilombo ku cour constitutionnelle bua bumbusha mpala wenda ku aba badi bafila mpala bua kulombola ditunga dietu ku masungula enzeka mu matuku 20 a Ngondo wa tshisua munene tshidimu etshi. Tshidiyi mumufundila tshia ni kena mua kufila mpala nansha , ni kabidi didifundisha dienda ndia lutshutshu.
Bua Seth Kikuni, Kikuni udi uleja ni mu tshidimu tshia 2019, bavu basungula Mfumu Tshilombo mu dina dia Tshisekedi Tshilombo Félix, lelo mushintulula dina ukadi ni dienda Tshisekedi Tshilombo Félix Antoine.
Ba avocats ba Seth Kikuni badi bavuluija cour bua se dina ni didi dilonda dina nansha dia buena nkristu bidi bikala " binsanto" bu mudibi bifundibua mu mukanda wa code de la famille mu kanungu ka 56.
Bena dia Seth Kikuni aba ni tshisumbu tshiabu tshia tshididi tshia PISTE, bapeshi cour constitutionnelle bimanyinu ni mifundu ya kala bua bidi bitangila dishintulula dia dina mu ditunga dietu, ni kabidi bionso ebi bitu bienza bua kumbusha bena ntanda ba bunyi bafidila mpala kadi bikala badisangana mu tshienzedi etshi.
Bua mpindieu Katumbi Moïse kena nkayenda nansha, bakumbanyi babidi badi bikala bafundibua bua bumbusha mpala yabu ku aba badi bafila mpala bua kulombola ditunga dietu panyima pa masungula a 2023.