Bua bidi bitangila Madimi : Mena Grégoire Mutshail udi munkatshi mua dikema bua nteta ya dikuna nayi bikunyibua ikala ifumina amu mu ditunga dietu
Mubikidibua bua kuakula ne ba kamona Kamba wa nseya mu dibidi dia matuku 17 a ngondo wa tshisua munene utudi nenda eu, mena udi utangila malu a madimi utua amu muakulu bianza wabangi ditumbisha bidi bukalenga buetu buenza bua malu a madimi aya kumpala.
Grégoire Mutshail wambi nangananga bua kutangila madisuisha menza matuku makesa kudi bukalenga buetu. Bualu, tutumba tutanu tupiatupia tua bikunyibua tuvua tufidibua kudi territoires yonso ya mu ditunga dietu.
Bua kuluisha dipanga bidibua, mena Grégoire Mutshail Mutomb walombu bua se bikunyibua bikala bifumina amu mu ditunga dietu, kabiyi bivuila mu matunga a Ku ba benda nansha.
" Ndi ngela menji se, bikengela bua ba wetu bonso balonga A,B,C wa malu a madimi, bualu kudima Kakuena bua kuenzeka amu nanku tshianana kakuyi dimanya nansha dimue to", ki muambi mena Grégoire nanku.
Bukalenga bua Congo budi munkatshi mua dielangana menji bua kumona bua kushintulula meyi ni mikandu bia mu malu a madimi. Ke kayi Grégoire Mutshail wambidi ba kamona Kamba wa nseya bua se udi munda mua kusuisha ba tshihuita munua mfuanka bua bumvua ni bakuata bimpa bionso bidi budimi buikala bufila munda mua ditunga dietu.
Katshia madisuisha aa abanga, nteta ni bikunyibua bia bunyi bivua bikala bifidibua mu ma provinces a bunyi, bu mudi Haut Katanga, Haut -Uele. Tshienzedi etshi ni tshiya kenzeka kabidi mu ma provinces etu onso.
