Tubadi: Bena tshisumbu tshia Union sacrée, mbafunda Fridolin Ambongo, Muepiskopo N'Shole ni balombodi bavule ba katolu wa ngonga ku bilumbu
Badi banayi, balombodi bakulu ba Tshitanda tshia katolu wa ngonga, badibu ba babikila kudi badi babafunda aba ni " mbena biakulakula", nanku bobo aba mbafundibua ku bilumbu ku tubadi bua balumbulula. Badi babafunda mba wetu kampanda badi bikala badiamba ni mbena tshisumbu tshia Union sacrée, bobu badi bikala bena dia mfumu wa ditunga Félix Tshilombo.
Mu bindindimbi bia tusunsa tukese bidi bikala bihita mu biahu, ba wetu aba badi beleja bua se balombodi ba katolu aba mbahitshiha ni ngenzelu ya dihetu ni biakulakula kudi mfumu wa ditunga ni bukalenga buenda. Ki nanku badi ni bua kuya nabu too ni ku ndekelu.
Badi baleja mu mukanda wabu udibu babafunda nau eu bua se Ambongo, N'Shole, Muteba ni Blaise Kanda badi bikala bela mfumu wa ditunga mpata mu ngenzelu yabu ni mu ngakuilu yabu ya kanyawu.
Baleja bua kujikija bua se: "Muepiskopo Ambongo adilongolola ni bena dienda, tudi nenda munjima too ni ku ndekelu, kakuena bilela nansha". Ki mudibu bafunda kabidi mu mukanda wabu eu.
Biakula kula bia bena katolu wa ngonga, bidi bihesha bukalenga bua mu ditunga dietu tshinji tshia bunyi. Bidi bilejikibua kabidi mu miyuki wa mfumu wa ditunga Félix Tshisekedi ku Mbuji- Mayi.