RDC : Félix Tshisekedi Tshilombo wedi patoka midimu ya ditanda dipiadipia dia Air Congo
Mu dibidi dia matuku 17 a ngondo wa tshisua munene utudi nenda eu, mfumu wa ditunga dietu Félix Tshisekedi Tshilombo, wedi patoka kuaka Ku tshipalu tshia ndeka tshia N'djili munemu mu tshimenga tshia Tshinsansa ditanda dipiadipia dia malu a ngendu ya mulu, Air Congo.
Ndeka wakumpala mumbuka Ku dipetangana Dia ditunga dietu ne 51 % ne bena mu Ethiopie 49 %>
Bua kubanga midimu yenda, ditanda edi dia Air Congo didi dikala ne ndeka ibidi ya Boeing 737-800, bua kutuangaja bimenga biabunyi bia munda mua ditunga dietu bu mudi, Lubumbashi, Goma, Kisangani, Kalemie ni Mbujimayi
Bimpa bia dipetangana edi bidi bikala se, diendakana Dia munda mua ditunga didi dikala dienzeka Ku tshibidilu ne mu bulongome kakuyi kadiwu nansha, dilongesha dia bena mudimu, dilongolola Dia bipalu bia ndeka, ni dilongolola Dia ndeka ya mabuki mu bimenga bia munda mua ditunga dietu.
Mena tshindonda mutangidi wa malu a tudiendela ndela, jean Pierre Bemba, buenda yeya ditanda dia Air Congo ne dipeta ndeka mikuabu mitua Ku inayi ya Boeing 736-800 mu matuku makesa emu kumpala kua tshidimu tshijima katshiyi tshianji kukumbana.
Munkatshi mua difesto edi, mulombodi wa ditanda dia Ethiopien Airline waleji didifila dienda pa kujadikila mfumu wa ditunga dietu Félix Tshisekedi Tshilombo mu meyi aa: " malanda bu mudi edi menzeka ni ditunga dia Togo, Malawi ni mafila bipeta bijalama bidi bikengela bua kulonda bua kuyisha matunga kumpala ", ki muambiyi nanku.
Diela mu tshialu Dia ditanda dia Air Congo didi dilondangana ne tshienzedi tshipiatshipia tshiela mu tshialu kudi mfumu wa ditunga Félix Tshisekedi Tshilombo bua kuyisha ditunga dietu kumpala.
