Goma: Luendu lua tshinji, luenza kudi ba wetu bua kubenga Monusco ndujika bibi, bantu bafua, bakuabu batapika bikola
Tshimenga tshia Goma, kuaka ku Nord-Kivu, kudi kuikala état de siège, nkuenzeka bimvundu bipita bunyi bankatshi pa aba bavu benza ngendu ya binji bua kubenga Monusco balomba ni kabena benza tshintu to, bikengela baya kuabu, bimvundu mbibanga lelu eu wa disatu dia matuku 30, ngondo wa muanda mukulu mu meba a mu dinda.
Bua Kamona kamba Stanis Tshiamala, udi muikala mufidi wa ngumu mu tshibejibeji tshia Jeune Afrique, tshisumbu kampanda tshia bena Nzambi wa bishima pamue ne Agano La Uwezo Wa Neno/ Wazalendo tshisumbu tshidibu bikala balombola kudi Ephraim Bisimwa ki tshidi tshikeba bilumbu ebi bionso.
Yeye eu ki uvu mubikila bantu mu mishindu yonso idiyi nayi, nangananga ku Tshisanji tshia Uwezo wa Neno, tshidi tshikala tshia tshisumbu tshienda etshi ku Goma bua kuya kalomba dipanda dia Congo, dia Afrique pa kulomba diya dia Monusco.
Ku luenda luseka mulombodi wa tshimenga tshia Goma muena Muabu Kapend Kamand Faustin uvu mubenga bua bena tshitanda etshi kabenji ngendu yabu ya binji eyi nansha.
Tshisumbu etshi tshidi tshidiamba ni tshidi tshilonda mvita ivu Kimbangu muenza. Ki bualu kayi, badi bapepeja ni babidia ngenzelu wa mudimu wa Monusco, bamba ni kena ni tshidiyi wenza nansha tshimua nansha, padi ba ntomboji bikala bashibeya ba wetu ba bunyi ku luseka elu kua Goma kukadi bidimu bipita pa makumi abidi.
Mu disua diabu dia kufila bupola, ki mudi ba mpulushi ni bafidi bonso ba bupola baya to ni ku tshitanda tshia bena nzambi etshi tshia nyuma ya nkindi, batua mudilu ku nzubu yabu ya masambila mu Commune wa Karisimbi, Kartier Katoyi mu muabu utubu bapikila ni Nyabishongo. Bantu mbatapika muabewu bapita bunyi.
Bakalenga ba ku Nord-Kivu badi baleja ni bena kuitabuja ba mu tshitanda etshi bavu banua bakuatshika bakadi benza malu adibu babambila kabayi baditangila kabidi to.