Dipetangana dia matunga: Difua dia bena Congo mu soudan, Christophe Lutundula waleji ni bukalenga buetu mbuindila mandamuna kudi bukalenga bua mu soudan
Bana ba muena Congo batua ku dikumi mbafua mu mvita idi mikala ipitakana mu Khartoum, tshimenga tshikulu tshia ditunga dia Soudan. Mena udi utangila malu a pambelu pa matunga ki muena ntanda Christophe Lutundula nyawu mufunda dimanyisha mu dimue edi bua kuleja mena a bana betu badi bikala bapituka mu mvita eyi.
Mena a ba wetu badi bafue ngowo aa: Kula Massamba, Benjamin Mvangui Ibrahim, Abdoul Kilumbudidi , Kamango Joseph, Tabin Aboubacar, Bongalu Mumbanga , Ismaël Patience Jean, Bébé, Farouk ni Rosa Patience.
Tatu Lutundula, waleji kabidi bua se amu masoloji a zditunga ki adi masa ba wetu aba mazaji, kabayi lusa nansha batuta bana betu bingoma mu Muaba udi muikala bantu kabayi ni bia mvita nansha. Mbela kabidi ma bomba a bunyi adi mashibeya bantu ba bunyi ba bisamba bia benda, bakuabu mbashala ni mputa minene pambidi.
Kudi bena congo ba bunyi batapika, patudi tuakula apa badi bikala mu lupitadi lua basalayi lua Kouliyat Razi mu Khartoum.
Ke kayi, bukalenga buetu buindila mandamuna kudi bukalenga bua mu Soudan bua kumanya bua se ba wetu aba mbafua bishi ? Bualu madilu munemu akadi matupita bunyi a bantu ba bunyi badi bafua matuku onso aa kuaka ku luseka ludi diba dipatukila dia ditunga.
Bukalenga bua ditunga dietu mbulomba kabidi kudi bena ku soudan bua se batupingajila bitalu ebi tshianana ni pa lukasa bua se bamona bua kubiakidila munenu mu ditunga dia ba nkambua ni kubidila musombela buena kuetu bulomba.
Bua kujikija, bukalenga bua ditunga dietu, mbulomba kudi ditunga dia soudan bua kunzulula ka nkoloji ka bu wetu bua se bena congo bakuabu badi batahika bamona bua kupeta londapu.
Numanya ni mvita eyi ya mu Soudan mituadija katshia ku dia matulu 15 a Ngondo muinayi, kudi bukalenga budi mu nkuasa ni ba ntomboji, yoyi mvita eyi idi mikala mikola mu bimenga bibidi Khartoum ni Darfour.