RDC : Airtel wedi mu tshialu « SOTEKA » muaba wa disumbisha ni diulu bintu mu biahu
Kumpala kua ba kamona Kamba wa nseya mu dinayi Dia matuku 17 ngondo utudi nenda eu, ki mudi ditanda Dia malu a miyuki ya Ku tuamua Airtel diela mu tshialu tshienzedi tshiabu tshipiatshipia tshidibu babikila se, SOTEKA, bua kuikala kusumba ni kupana bintu mu biahu pa kuenzela Airtel monney.
Mu Dina dia diketela mulombodi wa ditanda edi, Raphaël Ntite, muimanyinyi wa kumpala wa Airtel money waleji kipatshila ka tshienzedi etshi tshia dipana ni diula mu biahu, amu bua kuambuluisha bena Congo bonso mu malu Abu a buatshia buila.
" Pa kumona makenga Adi nau bena Congo nangananga aba badi bikala mu tshimenga tshia Tshinsansa mu dikenga Dia kuangata mashinyi ni bunyi bua tshikutakanyi tshidi mu njila, kakuyi kupua moyi mankenda adi akengela mu malu a bidibua,.. Airtel wanutuadidi diandamuna Ku makenga aa onso", ki mualeji mukalenga eu nanku.
" Mupanyi kena ukengela bua kuikala ni nzubu wa dilongayi bintu bienda nansha. SOTEKA udi umupesha mishindu yonso ya kulonga bintu bienda bantu babimona bimpa menamena, ni kulondesha ba kiliya benda Ku umue ku umue. Ni kabidi musumbi udi upeta bintu amu Ku mushinga udi muikala mu bisalu kakuyi dishilangana nansha dimue to.
Ni SOTEKA Airtel musua kabidi kutua nyama Ku mikolo kudi aba Badi ni dikuta dikesa bua kuenda mushinga nangananga ba bitenda.
" Tuamba bua se, muena Congo yonso udi ni mushindu wa kupeta kenda kaba pa kudifundisha mu biahu mu SOTEKA" , ki mualeji Mwimba Samuel, mutangidila wa malu a miyuki ya Airtel
