Moïse Katumbi wambidi Félix Tshisekedi: « Moyi wa kuikala pa buloba utukoku panyima pa bukalenga »
Kuenzulula kua constitution anyi mukanda wa tshibungu wa ditunga dietu mupiamupia, bivu bikala kabidi biena bualu bivua Katumbi Moïse muakula ni bena tshibeji beji tshia jeune Afrique. Bua mutontolodi eu, constitution Wetu ki ngudi wenza bua bena ntanda bikala bakenga nansha, kadi bidi bikala dilombola dibi dia ditunga didi dienza.
Katumbi wabedi kabidi mfumu wa ditunga Félix Tshisekedi bua ashiya nkuasa wa bu mfumu wa ditunga Ku ndekelu kua bukalenga buenda eku.
"Malu adiku lelu kaena mafumu Ku bubi bua constitution anyi mukanda wa tshibungu wa meyi ni mikandu bia ditunga nansha, bidi bikala bifuma Ku ndomboluelu mubi wa ditunga dietu kudi mfumu Félix Tshilombo Wa Tshisekedi; bidi bikengela padi bukalenga buenda ebu butua Ku ndekelu ambula bintu bienda bionso aya. Kudi kabidi kuikala moyi kunyima kua bukalenga", ki muambi Katumbi Moïse nanku.
Katumbi waleji kabidi bunyi bua mvita miluangana kudi batontolodi bonso ba mu ditunga dietu mu tshidimu tshia 2018 bua se Kabila Joseph uvu mu bukalenga tshikondo atshi kashintuludi constitution nansha.
" Muina musangu au tuvu bikala ni Félix Tshisekedi udi ukeba kashintulula constitution eu mu mina mvita ayi. Lelu eu constitution muenza tshinyi bua kukeba bua ku mushintulula ?", ki mualeji Moïse Katumbi.
Mu tshisumbu tshia Union sacrée bdi bimueka se, bionso bikadi biela mu tshialu bua kumona mua kashintulula constitution Wa ditunga dietu eu.
