Ndongeshilu wa midimu ya bianza : Marc Ekila udi utumbisha bidi bienza bua bansonga kupeta midimu
Kumpala kua ba kamona Kamba mu disatu dia matuku 23 ngondo wa dikumi tshidimu etshi, mena udi utangila malu a ndongeshilu ya midimu ya bianza, Marc Ekila, nyau watumbishi bidi bikala bienza bua bansonga kupeta midimu ya bianza, kudi minisitele yende idiyi muikala ulombola.
Nekuenzeka tshisalu tshinena tshia kupesha natshi bansonga midimu mu matuku 24 a ngondo utudi nenda eu bua kupesha bana betu ba mu Congo disanka dia tshia tshiakabidi panu pa buloba.
"Tshia kukuata bua tshina tshisalu etshi tshidi se, netuleja kudi bantu bonso mishindu yonso ya ndongeshilu ni bitupa biayi bionso. Ni Ku ndekelu netulomba kudi bansonga bua kudifundisha mu tuina tulasa étu. Tudi batuenza bua kumanyisha ba Wetu malu a bunyi" , ki muambi Ekila nanku.
Pa kulongesha bansonga midimu ya bianza mu bilongelu bietu bionso, Marc Ekila udi uleja ne nebajikija lutetuku ni dipanga Dia midimu kudi babunyi mu ditunga dietu.
" Tudi bela menji nunku bua kuteka mu tshienzedi muenenu wa malu wa mfumu wa ditunga, bua kukeba bidi bua kujikija dipanga midimu mu ditunga dietu. Ne tudi babienza bionso ebi pamue ne Bana betu ba mu matunga a pa mbelu Badi bikala batutua nyama Ku mikolu".
Tukuata bua se, tshisalu tshinena tshia ndongeshilu etshi ntshienza mu dipetangana ni hôtel de ville wa Tshinsansa, ne ni tshienzeka kubanga mu matuku 24 tooo ni matuku 26 Ku INPESS.
