RDC : Bukalenga bua Congo munkatshi mua disopuesha bantu bua dipatuka dia disama kadiyi dianji kumanyika kuaka Ku Panzi (Kwango)
Ku luseka lua Panzi, bena malu a bukola bua mubidi mu province wa Kwango badi baleja dipatuka dia disama Didi kadiyi dianji kumanyika bimpa nansha, dikadi dishibeya bantu batua Ku makumi anayi ku luseka eku.
Bua balombodi ba bukalenga bua ditunga dietu, Badi bela kashiba ka "disopuesha dikola" bua ba wetu Badi Ku luseka eku. Mena udi utangila malu a bukola bua mubidi waleji se, kudi bantu bapita Ku 400 Badi bikala batatshishibua ni dina disama edi nangananga kudi bana ne aba Badi bikala kabayi ne kudia kuimpa nansha.
" Tudi munkatshi mua kuela kashiba bua disohuesha dikola. Katuena banji kuikala ne londapu lujalama bua disama edi nansha", ki mualeji mena udi utangila malu a bukola bua mubidi nanku kumpala kua ba kamona Kamba wa nseya mu ditanu dia matuku 5 a ngondo wa tshisua munene utudi nenda eu.
Kasumbu ka bena Ku INRB kakadi kikala muina muaba eu. Nanku koku Aka ki kadi kikala kafila ngumu Ku diba ne Ku diba bua se bukalenga buetu bumona mua kukeba menji a kuluisha ne kutshimuna disama edi didi dikala dielesha menji ne dinyingalaja ba wetu ba bunyi Ku luseka eku.
Disama edi didi dikala ditatshisha nangananga Bana mu 40 % Badi ne bidimu muinshi mua bitanu. Nanku bua kumanya Dina disama edi bimanyinu biadi bidi bikala mubidi Kapia, mutu usama, tshimpumpu, lukosu, kukepa kua mashi ne kupuyakana kukola.
