RDC: « Félix Tshilombo udi unaya ni mudilu bu muana muteketa » , ki muambi Fayulu pa muanda udi utangila Dishintulula dia constitution
Batontolodi ba mu ditunga dietu ki mbananga bua Dishintulula Dia constitution nansha. Bua Martin Fayulu, mfumu wa ditunga Félix Antoine Tshisekedi Tshilombo udi munkatshi mua dinaya ni mudilu " bu muana muteketa", bilondeshile ngakuilu wenda bua Dishintulula Dia constitution.
Mu miaku mifunda mu tshiahu tshienda tshia X, Fayulu udi uvuluija Félix Tshilombo malu manene Adi bana ba muena Congo bikala bindila kudiyi bua kujikija majinga Abu, bu mudi: kulama ni kukuba ditunga dijima bu bujima buadi, kuipata makenga ni nzala bikadi bihita bunyi mu ditunga ni kabidi kunemeka manema a bantu bonso.
" Ki constitution udi wenza bua se, misoku mitua Ku 115 ikala mu bianza bia ba ntomboji ni kabidi bukalenga buenda buikala buenza amu kudi bena mutshima nansha", ki mualeji Mukalenga Fayulu.
Mutontolodi eu waleji kabidi bua se, bikengela bena Congo bonso basomba kaba kamue, bayukila bua kumona mua kusangisha ngenyi bua kumbusha bibi bionso bidi binyanga ditunga dietu.
Tuvuluka se, Ku Kisangani mfumu wa ditunga kavu mudisokoka nansha. Waleji patoka dijinga dienda bua kushintulula constitution wa ditunga dietu bualu udi muikala ni malu mala a bunyi. Apesha bujiitu Ku diangata Dia mapangadika.
