Mvita ku luseka ludi diba dipatukila dia ditunga: " Kagame Paul ke udi kayi mumanya bidi mua kulua padiyi muikala unyanga malaba wa ba Tutsi ba mu muetu mu Congo emu nansha" , biamba kudi Lutundula Christophe
Mena mutangidi wa malu a pambelu pa ditunga ni Francophonie, ki muena ntanda Lutundula Christophe, wandamunyi Kagame Paul uvu muikala uyobola mukalenga Félix Tshisekedi, mu miyuki yenda mienza ni ba kamona kamba mu dimue dia matuku 25 ngondo eu muisatu, tshidimu etshi tshia 2024.
Bua Lutundula Christophe Mukalenga Kagame kena muikala mumanya tshidi mua kulua makelela bilondeshila ngenzelu yenda ya lelu, bua pa bidi bitangila ba wetu badi bafua, ne bakengakana ku luseka ludi diba dipatukila dia ditunga dietu nansha.
"Mukalenga Tshisekedi mukodiakaja Kagame bikola, mumuluisha tshiluwa, patudi tuakula apa udi munkatshi mua dilubakana, munkatshi mua dinyanga makelela wa ba tutsi mu nsombelu wabu ni bena Congo bakuabu, ki mua kumbaji Lutundula nanku.
Amu mu mina miyuki eyi, Mena Lutundula wambidi kabidi ba kamona kamba wa nseya, bidi mfumu Félix Tshisekedi muikala mulomba kumpala kua kuyikilayi ni ditunga dia Rwanda bua bupola bubuela mu ditunga dietu.
Bidiyi mulomba bidi bu mudi, diumbusha dia ba ntomboji bonso ba M23 kudi ditunga dia Rwanda, kupingaja bukalenga bua ditunga dietu miaba yonso ikavu ba ntomboja basomba, ... E nanku, RDC neyitaba mpindieu bua kuyikila ni Rwanda ki ni M23 nansha.
Mu muyuki wenda ni bena tshibejibeji tshia Jeune Afrique, Kagame Paul uvu muleja bua se: " Tshisekedi Tshilombo Felix udi muikala pabuipi ni kuenza bionso, kadi mupanga bua kumanya bidi mua kulua malaba pa kulondeshila meyi adiyi wakula". Nanku, ngakuilu eu wa Kagame, mupesha bena Congo ba bunyi tshinji ki kanjinganyinga.
