Canada: Bapatudi tshitalu tshia mulongi Martine Alexandra lumbayi mu mayi
Mujimina katshia Ku matuku 2 a ngondo wa dikumi utudi nenda eu, mulongi eu Alexandra Lumbayi wa bidimu 21 kavu mumueka kudi binenda kukadi matuku mulongu. Nanku, ba mpulusha ba ditunga Dia Canada bapatudi tshitalu tshienda mu mayi mu tshimenga tshia Trois-Rivières, mu Québec.
Lumu elu luvu luikala luela patoka kudi balongi nenda ba bunyi bavuayi muikala ulonga nabu mu tshimenga esthi tshia Trois-Rivières, kabidi bobo aba ki bavua bikala ba ntemu pavuabu basabula tshitalu tshienda mu mayi au.
Ke kayi, mulombodi wa balongi bonso ba mu Congo mu tshimenga esthi tshia Trois-Rivières udi muikala ulondeshilula muina muanda eu Ku kakesa kakesa, wedi mioyo ya mabungama kudi diku dia nsongakaji eu udi mupengana ni njiwu ya lufu ne kudi bena Congo bonso.
" Tumanya bua se ba mpulushi ki mbanji kuela patoka bipeta biabu to, ni kabidi muena mpala wa ditunga dietu mu Canada bavu bamubikila muina muabeu bua kuyukila ni bena bukebi kebi aba Badi bikala munkatshi mua kukeba bua kumanya ni lufu elu ndufumina Ku tshinyi.
Tumanya bua se lufu lua muana eu wa tshienda Alexandra lumbayi ndubungamija bantu ba bunyi. Bualu, too ni mpindieu kakuena kuanji kumanyibua bua se lufu elu ndufumina Ku tshinyi nansha. Ba ntemu ba bunyi badi baleja amu bua se, bamushibeya Ku bukola baya kamuimansha mu mayi aa. Nanku tuindila luapolu lua bena bukebi kebi lolu ke lua tuambila bikuabu bitudi bapanga.
