Tshihangu tshia 43 tshia SADC: Mukalenga Félix Tshilombo wa Tshisekedi walombi bua kuikala kuenzeka manaya a SADC ni a "Miss SADC"
Lelu eu wa dinayi dia matuku 17 Ngondo eu wa kashipu mpumpumpu, Mu Angola, tshimenga tshia Luanda, nkuenzeka nsangilu munene wa musangu wa 43 wa ba mfumu ba matunga ni makalenga onso adi mikala mu SADC, nanku mfumu wa ditunga dietu dia Congo, ki Félix Tshilombo walombi bua se kuikala kuenzeka manaya bua matunga adi mu tshipangu etshi tshia SADC, bua kuikala kutshionkomoja ba wetu badi mu tshitupa etshi tshia malaba a mukua mufika.
Nanku, mutua muakulu bianza, mfumu wa ditunga dietu walombi bua se bikala benza manaya ni kabidi basungula mukaji mulenga ku menji ni ku buimpa bua tshitupa etshi anyi Miss SADC, bua kukolesha bu wetu pankatshi pa bana bonso ba bitenda badi mu matunga aa a mu Afrique adi mu SADC.
"Bualu biobi bienzeka nunku, disanka nedikala diabunyi kudi bena mu Afrique eu pikalabu bamonangana ni banaya kaba kamue, bu wetu ni bubanda bikola, malanda ni ashema kupita, ndelanganyi yalua panyima neisombe kaba kamue mu tshitupa tshia malaba katshiyi mvita, kadi tshikala ni bobumue butuikala ni mua kuasa kulondeshila ku manaya aa" ki muambi, mfumu wa ditunga dietu nanku mu tshipangu etshi tshia SADC.
Félix Tshisekedi walombi kudi bakalenga bonso bavu mu tshipangu etshi bua kulonda lungenyi luenda elu, bualu yeya mujadika bua se bana batualela nibasanka bikola bua kuenza bobumue bua bushuwa pikalabu basangila ku musangu ni ku musangu banaya mina manaya aa a SADC.
