RDC : Kabila, Fayulu, Katumbi,... Mbadisangishi bua kubenga Dishintulula Dia constitution
Joseph Kabila, Martin Fayulu, Moïse Katumbi ne batontolodi bakuabu ba mu ditunga dietu, mu mukanda wabu mutua biala kudibu bonso mu disatu dia matuku 20 ngondo wa kasuabanga utudi nenda eu ku Nzubu wa bena Katolu wa ngonga wa Cenco, mbafunda mukanda wa dibenga diabu bonso bua Dishintulula Dia constitution bu mudi mfumu wa ditunga dietu Félix Tshilombo ukeba kuenza amu.
Bua batontolodi aba, Félix Tshisekedi Tshilombo, musua kusomba mu nkuasa wa bukalenga kashidi ni tshiendelela; ni kabidi udi muikala munkatshi mua difuanyikija budikadidi bua ditunga ni dipesha malaba a disomba kudi bantu.
" Kakuena kanungu nansha kamue ka mu constitution wa ditunga dietu kadi kapangisha Félix Tshisekedi Tshilombo bua kulongolola dikalangana dimpa dia bana ba muena Congo nansha nangananga pa kufuta balongeshi, basalayi, ba mpulushi, ba minganga ne aba bonso badi mu midimu ya mbulamatadi mafutu majalama nansha. Ne kabidi kupesha ba wetu mayi, nzembua ni miaba ya londapu biakana nansha pa kutangila dipueka dia ndola ne kulongolola njila ", ki mudi Shadari Emmanuel muleja.
Batontolodi mbakula kabidi bua bidi bitangila dibateka kaseka padibu bikala bakula bua mudi ditunga dilombodibua bibi, mbifikisha too ne "Diasa ni dishipa dia muena diabu Chérubin Okende ", dibenga kunemeka manema a bantu, buena ni bukua, bu wetu mbupita bunyi ni dikuata dia batontolodi, dibela mu maloko kakuyi bualu.
Fayulu, Katumbi, Kabila ni batontolodi bakuabu aba, mbasangila mu tshidibu babikila ne makola a bena tshididi ne bena Congo bonso (Forces politiques et sociales), Badi munkatshi mua kubikila bena Congo bonso bua kuimana kulu " kubenga mateyi a diabulu adi akeba bua kushintulula constitution wa mu ditunga dietu".
