RDC : Joseph Kabila ni Katumbi Moïse, mbadisangisha bua kubenga Dishintulula Dia constitution
Mfumu wa ditunga dietu wa kala, ki muena ntanda Joseph Kabila Kabange ni Mulombodi wa province wa Katanga wa madi wa kala ki Moïse Katumbi Chapue, mbenza miyuki yabu babidi mu dinayi edi dia matuku 26, ngondo wa tshisua munene utudi nenda eu mu Addis Abeba, tshimenga tshikulu tshia ditunga dia Ethiopie.
Mu dimanyisha diabu Dia ndekelu ditua biala kudi Olivier Kamitatu muena dia Katumbi, batontolodi babidi aba badi bikala babenga bikola dishintulula dia constitution wa ditunga dietu bu mudi mfumu Félix Tshisekedi Tshilombo ulomba.
" Makalenga onso adi ni bula buawu bu mudibi bikala bilombibue kudi constitution wa ditunga dietu, Badi balomba kudi bena Congo bonso bua kubenga Dishintulula dia constitution edi, bualu didi dikala disokoka disomba Dia munkuasa Dia kashidi Dia mfumu wa ditunga udiku lelu eu", ki mudi dimanyisha edi dileja.
Moïse Katumbi ni joseph joseph Kabila Badi bikala bakema bikola bua kumona se, nsangilu wa matunga onso udi muikala mupuwa mutangila mudi mfumu Tshilombo ukengesha bena Congo bonso. Nanku, Badi bikala babikila nsangilu wa matunga onso eu, bua kutua bena Congo nyama Ku mikolu bua kumona mua kujikija makenga adi bena Congo bikala bamona Ku Goma, Ku Katanga nangananga mu buloku bunena bua makala kudi Badi bikala babalama.
