Masungula a mu 2023: Moïse Katumbi udi uyobola Tshisekedi " Malaya a bunyi ka ayi makumbaja" ku Moanda
Mu dibidi dia matuku 26 ngondo wa kabitenda eu, mfumu wa tshisumbu tshia tshididi tshia Ensemble, Moïse Katumbi, uvu muya ku Moanda mu province wa Kongo central, udi muikala ku luseka ludi diba dibuela dia ditunga dietu dia Congo wa Mungalata.
Katumbi, udi muikala umue wa aba badi bafila mpala bua kuikala mfumu wa ditunga dietu, mubangishila buenyi buenda mu tshimenga tshia Moanda. Bavu bamuakidila kuineku kudi musumba munene wa bantu, bavu balue tooo ni ku tshialu tshia ndeka bua kutuilangana nenda. Mu diakula dienda, Katumbi mutua muakulu bianza, wabangi kutela malaya onso atu mukalenga Tshisekedi Tshilombo muenzela bena ku Moanda, kadi kayi mukumbaja nansha.
" Bikengela Moanda ufuanangana ni Monaco. Bualu mfualanga yetu idi ipueka mushinga padi mafutu a bantu ka ayi alonda nansha. Bikengela tuikala ni matu a kuloba nawu. Kasolonyi kadi kikala ka bunyi munemu, makuta a bantu kenaku nansha. Kongo central ki tshimenga tshikulu tshia nzembua ya ditunga dietu, musoko udi muikala mu dikenga dipita bunyi kakuyi lusa", ki mualeji Katumbi pa kukumbaja ni mu ngondo ibidi emu bionso bidi bijika.
Tumanya ni Katumbi udi muikala nguvena wa kala wa ku Katanga wa madi, waleji kabidi bua se, yeya mupita bu mukalenga wa ditunga ni enzeja CAN, mu ditunga dietu emu.
Kunyima kua Moanda Katumbi waleji bua se ni aya ku Boma. Kudi ndambu wa bantu bikala bamuindila kabidi.
